អង្គការទិន្នន័យអំពីការអភិវឌ្ឍ (អូឌីស៊ី) និងដៃគូរបស់ខ្លួនកំពុងរៀបចំកម្មវិធីកម្ពុជា អាយស៊ីធីខែម ២០២៤ ចំនួន ៣ ថ្ថៃ ពីថ្ងៃទី ៥-៧ ខែធ្នូ ឆ្នាំ ២០២៤ នៅខេត្តសៀមរាប។ ព្រឹត្តិការណ៍រយៈពេលបីថ្ងៃនេះនឹងក្លាយជា កម្ពុជា អាយស៊ីធីខែម លើកទីបីដែលនឹងប្រារព្ធឡើង។ ខែមដែលកើតចេញពីកម្មវិធី មេគង្គ អាយស៊ីធីខែម ២០១៧ ដែលធ្វើឡើងនៅខេត្តសៀមរាប ត្រូវបានប្រារព្ធឡើងដោយជោគជ័យក្នុងឆ្នាំ ២០១៨ បន្ទាប់មកខែមទីពីរនៅឆ្នាំ ២០២២។
កម្ពុជា អាយស៊ីធីខែម ២០២៤ គឺជាព្រឹត្តិការណ៍អន្តរកម្មមួយដែលមានវគ្គចែករំលែក ការពិភាក្សាជាក្រុម និងសកម្មភាពដែលដឹកនាំដោយអ្នកជំនាញជាតិ និងអន្តរជាតិផ្នែក ICT សន្តិសុខតាមអ៊ីនធឺណិត ឧក្រិដ្ឋកម្មតាមអ៊ីនធឺណិត ទំនាក់ទំនងឌីជីថល បញ្ញាសិប្បនិម្មិត (AI) សារព័ត៌មាន និងសិទ្ធិឌីជីថល។
ខែមនេះនឹងប្រមូលផ្តុំអ្នកចូលរួមមកពីវិស័យចម្រុះ ប៉ុន្តែមានទំនាក់ទំនងគ្នាទៅវិញទៅមក រួមមានប្រព័ន្ធផ្សព្វផ្សាយ និងសារព័ត៌មាន អង្គការសង្គមស៊ីវិល ក្រុមតស៊ូមតិសិទ្ធិឌីជីថល អ្នកជំនាញផ្នែកច្បាប់ បណ្ឌិតសភា វិស័យឯកជន និងនិស្សិតសាកលវិទ្យាល័យ។ ពួកគេនឹងមានឱកាសចូលរួមក្នុងការចែករំលែកចំណេះដឹងស៊ីជម្រៅដោយអ្នកជំនាញ ទទួលបានបទពិសោធន៍ពីការប្រើប្រាស់បច្ចេកវិទ្យាក្នុងជីវិតពិត និងភ្ជាប់ទំនាក់ទំនងជាមួយអ្នកចូលរួមផ្សេងទៀត។
វាគ្មិន និងអ្នកសម្របសម្រួលនឹងមកពីប្រទេសកម្ពុជា ប្រទេសមេគង្គ និងតំបន់ផ្សេងៗទៀត។ ពួកគេនឹងនាំមកនូវទស្សនវិស័យ និងជំនាញចម្រុះដល់ការពិភាក្សា។ ព្រឹត្តិការណ៍ដ៏សំខាន់នេះ នឹងនាំអ្នកចូលរួមប្រមាណ ២០០នាក់ នៅខេត្តសៀមរាប ដែលជាកន្លែងនៃបេតិកភណ្ឌពិភពលោកអង្គរ។
ព្រឹត្តិការណ៍ផ្សេងទៀត
កម្ពុជា អាយស៊ីធីខែម ២០២៦
កម្មវិធី កម្ពុជា អាយស៊ីធីខែម គឺជាកម្មវិធីជំរុំមួយមានភាពទាក់ទាញ និងការចូលរួមយ៉ាងសកម្ម ដែលត្រូវបានរៀបចំឡើង រៀងរាល់ពីរឆ្នាំម្តងដោយអង្គការទិន្នន័យអំពីការអភិវឌ្ឍ (អូឌីស៊ី) និងដៃគូផ្សេងៗទៀត ចាប់តាំងពីឆ្នាំ២០១៨ មកម្លេះ។ កម្មវិធី កម្ពុជា អាយស៊ីធីខែម លើកទី១ នៅក្នុងឆ្នាំ២០១៨ កើតចេញពីកម្មវិធី មេគង្គ អាយស៊ីធីខែម ២០១៧ ដែលរៀបចំឡើងដោយជោគជ័យនៅខេត្តសៀមរាប។ កម្មវិធី កម្ពុជា អាយស៊ីធីខែម បន្តបន្ទាប់ទៀត ធ្វើនៅឆ្នាំ២០២២ សម្រាប់លើកទី២ និងឆ្នាំ២០២៤ សម្រាប់លើកទី៣។ កម្មវិធី កម្ពុជា អាយស៊ីធីខែម លើកទី៤ នឹងត្រឡប់មកវិញនៅ ថ្ងៃទី១៩-២០ ខែកញ្ញា ឆ្នាំ២០២៦។ ដោយផ្អែកលើភាពជោគជ័យនៃការរៀបចំមុនៗ កម្មវិធីជំរុំលើកនេះនឹងបន្តក្លាយជាវេទិកាសហការសម្រាប់ការសិក្សា កិច្ចសហប្រតិបត្តិការ និងនវានុវត្តន៍ ក្នុងវិស័យដូចជា ទិន្នន័យបើកចំហ អភិបាលកិច្ចអ៊ីនធឺណិត សន្តិសុខសាយប័រ និងបញ្ញាសិប្បនិម្មិត នៅក្នុងចំណោមវិស័យផ្សេងៗទៀត។
The Asia Pacific Internet Governance Academy ២០២៥ (APIGA)
APIGA មានគោលបំណងអភិវឌ្ឍការយល់ដឹងរបស់មេដឹកនាំយុវជនអំពីអ៊ីនធឺណិត និងប្រព័ន្ធអេកូឡូស៊ីរបស់វា។ វាក៏មានគោលបំណងបំពាក់ឱ្យអ្នកចូលរួមនូវចំណេះដឹង និងជំនាញដើម្បីចូលរួមក្នុងការបង្កើតគោលនយោបាយអ៊ីនធឺណែត តាមរយៈការបង្កើតមូលដ្ឋានគ្រឹះដ៏រឹងមាំមួយដូចខាងក្រោម៖ គោលគំនិតនៃការគ្រប់គ្រងអ៊ីនធឺណិត និងគំរូពហុភាគីនៃការបង្កើតគោលនយោបាយ; បញ្ហាអភិបាលកិច្ចអ៊ីនធឺណិតសកលបច្ចុប្បន្ន និងការអនុវត្តបញ្ហាទាំងនេះនៅកម្រិតមូលដ្ឋាន និងតំបន់។ ទំនុកចិត្តក្នុងការនិយាយឡើងក្នុងវេទិកាតំបន់ និងអន្តរជាតិ។
KAWSANG: Innovation Marketplace
Innovation Marketplace គឺជាកម្មវិធី Hackathon ដែលសហការគ្នាដែលក្រុមអ្នកចូលរួមបង្កើត គំរូសាកល្បង នៃគំនិតសម្រាប់ដំណោះស្រាយចំពោះបញ្ហាប្រឈមទាំងនេះក្នុងរយៈពេល 48 ម៉ោង។ យើងកំពុងស្វែងរកបុគ្គល ឬក្រុម នៃអ្នកច្នៃប្រឌិតផ្អែកលើបច្ចេកវិទ្យា អ្នកបង្កើតខ្លឹមសារ មាតិកា និងសង្គមស៊ីវិល ដែលត្រៀមខ្លួនសម្រាប់បញ្ហាប្រឈមនេះ! ➜ កន្លែង៖ នឹងបញ្ជាក់ជូននៅពេលក្រោយ➜ ព្រឹត្តិការណ៍នេះនឹងប្រព្រឹត្តទៅនៅទីក្រុងភ្នំពេញ ថ្ងៃទី ១៥-១៦ ខែវិច្ឆិកា ឆ្នាំ ២០២៣ ដាក់ពាក្យតាមអ៊ីនធឺណិត៖ ផុតកំណត់:០៥ វិច្ឆិកា ២០២៣➜ សម្រាប់ FHI/CSS/CSOs Network: https://forms.gle/Q8H4HnqEnxbvq42q7➜ សម្រាប់អ្នកច្នៃប្រឌិត: https://forms.gle/X9Kx5E7s2JPUoGrk7 *** ចំណាំ៖ ប្រសិនបើអ្នកបានជ្រើសរើសចូលរួមកម្មវិធី Innovation Marketplace ក្រុមការងារ នឹងផ្ញើអ៊ីមែលជូនដំណឹងទៅអ្នក។ ប្រសិនបើមានចម្ងល់ សូមទាក់ទងមកយើងខ្ញុំតាមរយៈ contact@kawsang.com