វេទិកាអភិបាលកិច្ចអ៊ីនធឺណិត ឆ្នាំ២០២៦
កិច្ចប្រជុំប្រចាំឆ្នាំលើកទី ២១ នៃ វេទិកាអភិបាលកិច្ចអ៊ីនធឺណិត (IGF 2026) នឹងប្រព្រឹត្តទៅនៅថ្ងៃទី១៤–១៨ ខែធ្នូ ឆ្នាំ២០២៦ នៅទីក្រុងណៃរ៉ូប៊ី ប្រទេសកេនយ៉ា។ ព័ត៌មានបន្ថែមនឹងផ្សព្វផ្សាយនៅលើទំព័រក្នុងពេលឆាប់ៗខាងមុខ។ អ្នកចូលរួមដែលមានចំណាប់អារម្មណ៍ សូមចុះឈ្មោះក្នុងព្រឹត្តិបត្រ IGF ដើម្បីទទួលបានព័ត៌មានថ្មីៗអំពីការរៀបចំ IGF និងសកម្មភាពរវាងសម័យប្រជុំ។
កម្មវិធីអង្គការមិនមែនរដ្ឋាភិបាល ឆ្នាំ២០២៦
សម្ព័ន្ធភាពតៃវ៉ាន់សម្រាប់ការអភិវឌ្ឍអន្តរជាតិ (Taiwan AID) សូមអញ្ជើញអ្នកជំនាញមកពីអង្គការមិនមែនរដ្ឋាភិបាល (NGO) នៅអាស៊ីខាងត្បូង អាស៊ីអាគ្នេយ៍ អាស៊ីឦសាន និងតំបន់កោះប៉ាស៊ីហ្វិក ដែលចាប់អារម្មណ៍ក្នុងការបង្កើតផលវិជ្ជមានដល់សហគមន៍។ កម្មវិធីនេះផ្តល់ជូននូវបទពិសោធន៍ដ៏ពិសេស និងចម្រុះ ដូចជា ការធ្វើការជាមួយអង្គការមិនមែនរដ្ឋាភិបាលតៃវ៉ាន់ ស្របតាមជំនាញវិជ្ជាជីវៈរបស់អ្នក ការចូលរួមក្នុងសិក្ខាសាលា និងការភ្ជាប់ទំនាក់ទំនងជាមួយមិត្តរួមវិស័យ និងអង្គការមិនមែនរដ្ឋាភិបាលតៃវ៉ាន់ដែលមានជំនាញ និងបទពិសោធន៍។
APrIGF ឆ្នាំ២០២៦
ប្រធានបទ៖ ការពារអ៊ីនធឺណិតឲ្យមានភាពធន់ក្នុងពេលមានវិបត្តិ កាលបរិច្ឆេទ៖ ថ្ងៃទី៤–៧ ខែតុលា ឆ្នាំ២០២៦ទីតាំង៖ The Plaza, Kathmandu និងប្រព័ន្ធអនឡាញអ្នករៀបចំ៖ វិទ្យាស្ថានគ្រប់គ្រងអភិបាលកិច្ចអ៊ីនធឺណិត (The Internet Governance Institute) ដោយមានការសហរៀបចំពី Internet Exchange Nepal (npIX) និង Internet Society Nepal Chapter
កម្ពុជា អាយស៊ីធីខែម ២០២៦
កម្មវិធី កម្ពុជា អាយស៊ីធីខែម គឺជាកម្មវិធីជំរុំមួយមានភាពទាក់ទាញ និងការចូលរួមយ៉ាងសកម្ម ដែលត្រូវបានរៀបចំឡើង រៀងរាល់ពីរឆ្នាំម្តងដោយអង្គការទិន្នន័យអំពីការអភិវឌ្ឍ (អូឌីស៊ី) និងដៃគូផ្សេងៗទៀត ចាប់តាំងពីឆ្នាំ២០១៨ មកម្លេះ។ កម្មវិធី កម្ពុជា អាយស៊ីធីខែម លើកទី១ នៅក្នុងឆ្នាំ២០១៨ កើតចេញពីកម្មវិធី មេគង្គ អាយស៊ីធីខែម ២០១៧ ដែលរៀបចំឡើងដោយជោគជ័យនៅខេត្តសៀមរាប។ កម្មវិធី កម្ពុជា អាយស៊ីធីខែម បន្តបន្ទាប់ទៀត ធ្វើនៅឆ្នាំ២០២២ សម្រាប់លើកទី២ និងឆ្នាំ២០២៤ សម្រាប់លើកទី៣។ កម្មវិធី កម្ពុជា អាយស៊ីធីខែម លើកទី៤ នឹងត្រឡប់មកវិញនៅ ថ្ងៃទី១៩-២០ ខែកញ្ញា ឆ្នាំ២០២៦។ ដោយផ្អែកលើភាពជោគជ័យនៃការរៀបចំមុនៗ កម្មវិធីជំរុំលើកនេះនឹងបន្តក្លាយជាវេទិកាសហការសម្រាប់ការសិក្សា កិច្ចសហប្រតិបត្តិការ និងនវានុវត្តន៍ ក្នុងវិស័យដូចជា ទិន្នន័យបើកចំហ អភិបាលកិច្ចអ៊ីនធឺណិត សន្តិសុខសាយប័រ និងបញ្ញាសិប្បនិម្មិត នៅក្នុងចំណោមវិស័យផ្សេងៗទៀត។
កិច្ចប្រជុំកំពូលដៃគូ Geo for Good Earth Engine Impact ឆ្នាំ២០២៦
កិច្ចប្រជុំកំពូល Geo for Good សម្រាប់អង្គការមិនរកប្រាក់ចំណេញ ស្ថាប័នសិក្សា វិស័យសាធារណៈ វិស័យឯកជន និងជនជាតិដើមភាគតិច ព្រមទាំងសហគមន៍មូលដ្ឋាន ដែលកំពុងប្រើប្រាស់ Google Earth Engine យ៉ាងសកម្ម ដើម្បីគាំទ្រដល់និរន្តរភាពនៃភពផែនដី និងភាពធន់របស់មនុស្សជាតិ។ តាមរយៈការចូលរួមក្នុងកិច្ចប្រជុំកំពូលនេះ អ្នកនឹងមានឱកាសសិក្សា និងចែករំលែកអំពីការរីកចម្រើនថ្មីៗផ្នែកវិទ្យាសាស្ត្រ និងបច្ចេកទេសសម្រាប់និរន្តរភាព ស្វែងយល់អំពីឧបករណ៍ភូមិសាស្ត្រឌីជីថលរបស់ Google និងសហការកសាងដំណោះស្រាយរួមគ្នា។