EngageMedia កំពុងរៀបចំកម្មវិធី Open Tech Camp ២០២៥- សន្និសីទបង្កើតដោយអ្នកប្រើប្រាស់ ដែលប្រមូលផ្តុំអ្នកបច្ចេកវិទ្យាឌីជីថល និងសកម្មជនសង្គមមកពីទូទាំងអាស៊ីប៉ាស៊ីហ្វិកនៅក្នុងកន្លែងសិក្សារួមគ្នាដែលផ្តោតសំខាន់ទៅដល់បច្ចេកវិទ្យាសិទ្ធិមនុស្ស។
ព្រឹត្តិការណ៍រយៈពេលពីរថ្ងៃនេះ ជំរុញឱ្យមានការរៀនរួមគ្នាអំពីការគោរពឯកជនភាព សុវត្ថិភាព និងបច្ចេកវិជ្ជាឌីជីថលបើកទូលាយ ដែលអាចឱ្យអ្នកចូលរួមក្នុងការកសាងសមត្ថភាព និងភាពធន់ក្នុងការប្រឈមមុខនឹងការគំរាមកំហែងផ្នែកឌីជីថល។
- អ្នកបច្ចេកវិជ្ជាចាប់អារម្មណ៍ក្នុងការអភិវឌ្ឍ ឬប្ដូរឧបករណ៍សម្រាប់គំនិតផ្តួចផ្តើមផ្លាស់ប្តូរសង្គម។
- អ្នកការពារសិទ្ធិមនុស្សនិយាយអំពីសេរីភាពអ៊ីនធឺណិត សិទ្ធិឌីជីថល និងបញ្ហាសុវត្ថិភាពអ៊ីនធឺណិត។
- អ្នកតស៊ូមតិ អ្នកសិក្សា និងអ្នកអនុវត្តសង្គមស៊ីវិល ងប់ងល់នឹងការជំរុញប្រព័ន្ធអេកូឌីជីថលដែលរួមបញ្ចូល និងយុត្តិធម៌។
តំណទៅចុះឈ្មោះ៖ https://forms.digisec.wiki/techcamp25
ព្រឹត្តិការណ៍ផ្សេងទៀត
កិច្ចប្រជុំលើកទី៤៖ បរិយាបន្នយេនឌ័រ
អង្គការបន្ទាយស្រី មានសេចក្តីសោមនស្សរីករាយក្នុងការអញ្ជើញសមាជិកចង្កោមនៃគម្រោងគាំទ្រសង្គមស៊ីវិល (CSS) ដើម្បីចូលរួមកិច្ចប្រជុំ ស្តីពីបរិយាបន្នយេនឌ័រនាដែលនឹងប្រព្រឹត្តិទៅនាឆាប់ៗពេលខាងមុខ។ អ្នកចូលរួមទាំងថ្នាក់ជាតិ និងថ្នាក់ក្រោមជាតិមកពីខេត្តបាត់ដំបង និងខេត្តសៀមរាបក៏ត្រូវបានអញ្ជើញផងដែរ។ គោលបំណង៖ ដើម្បីតាមដានការពិភាក្សាអំពីសកម្មភាពដែលបានស្នើឡើងពីកិច្ចប្រជុំក្រុមចុងក្រោយដោយបន្ទាយស្រី និងធ្វើបច្ចុប្បន្នភាពអំពីវឌ្ឍនភាពនៃសកម្មភាពនីមួយៗ។ ដើម្បីចែករំលែកលក្ខខណ្ឌនៃសេចក្តីយោងរបស់សមាជិកចង្កោមទៅកាន់បណ្តាញ NGO។ ដើម្បីណែនាំគំនិតនៃ IDEASPRIN និងឱកាសនានា។
ពានរង្វាន់ស្ត្រីឆ្នើមក្នុងវិស័យបច្ចេកវិទ្យា២០២៣
កម្មវិធីពានរង្វាន់Cambodian Women in Tech Awards ប្រព្រឹត្តធ្វើឡើងដើម្បីអបអរសាទរ និងទទួលស្គាល់នូវសមិទ្ធិផលរបស់សហគ្រិនស្ត្រីក្នុងវិស័យឌីជីថល វិស្វករព័ត៌មានវិទ្យា ស្ត្រីវ័យក្មេងក្នុងវិស័យបច្ចេកវិទ្យា ស្ត្រីក្នុងវិស័យ eGovernment និងស្ត្រីក្នុងវិស័យច្នៃប្រឌិតឌីជីថលនៅកម្ពុជា។ ពានរង្វាន់នេះមានគោលបំណងផ្តល់ជាវេទិកាដល់ស្ត្រីផ្នែកបច្ចេកវិទ្យាក្នុងការបង្កើតបណ្តាញ ក៏ដូចជាការជំរុញគាំទ្រដល់ស្ត្រីជំនាន់ក្រោយក្នុងវិស័យបច្ចេកវិទ្យាសម្រាប់ពង្រីកសហគមន៍បច្ចេកវិទ្យាដែលសមូហភាព និងមានភាពចម្រុះកាន់តែច្រើននៅក្នុងប្រទេសកម្ពុជា។ ដាក់ពាក្យឥឡូវនេះ៖ cadt.edu.kh/events/women-in-tech/
សន្និសីទ និងពិព័រណ៍បច្ចេកវិទ្យាអប់រំកម្ពុជា លើកទី១
ក្រសួងអប់រំ យុវជន និងកីឡាអញ្ជើញភាគីពាក់ព័ន្ធក្នុងវិស័យបច្ចេកវិទ្យា គ្រឹះស្ថានសិក្សា និងដៃគូអភិវឌ្ឍន៍ចូលរួមសហការ និងតាំងបង្ហាញផលិផល និងស្នាដៃបច្ចេកវិទ្យាក្នុងសន្និសីទ និងពិព័រណ៍បច្ចេកវិទ្យាអប់រំកម្ពុជា លើកទី១។ ចុះឈ្មោះទីនេះ៖ https://edtechcambodia.org/register/